8 months ago
57
Kryetari i Partisë së Lirisë, Ilir Meta me anë të një postimi në “Facebook” ka kujtuar vendimin e Gjykatës Kushtetuese fiks dy vite më parë, e cila rrëzoi vendimin e Kuvendit monist siç e cilëson ai për shkarkimin e Presidentit.
Meta thekson se ai vendim parandaloi një puç të mirëfilltë shteti të iniciuar nga Edi Rama, me qëllim asgjesimin e pavarësisë dhe rrëmbimin e të gjitha institucioneve dhe pushteteve te pavarura.
Kreu i PL shton se 20 shkurti është një mundësi e shkëlqyer, që zëri i qytetarëve të dëgjohet.
Postimi i plotë:
Sot mbushen 2 vjet nga vendimi i Gjykatës Kushtetuese për rrëzimin e vendimit të Kuvendit monist për shkarkimin e Presidentit të Republikës.
Ky vendim parandaloi në atë kohë një puç të mirëfilltë shteti të iniciuar nga Edi Rama me qëllim asgjesimin e pavarësisë dhe rrëmbimin e të gjitha institucioneve dhe pushteteve te pavarura, me pasoja shumë të rënda për shtetin e së drejtës dhe demokracinë në Shqipëri.
Gjykata Kushtetuese dhe Komisioni i Venecias, duke u dhënë të drejtë të gjitha vendimeve dhe qëndrimeve të mia gjatë ushtrimit të detyrës së Presidentit të Republikës, treguan shumë qartë se cili është armiku më i madh i shtetit ligjor, demokracisë, pluralizmit dhe të drejtave të njeriut.
20 Shkurti është një mundësi e shkëlqyer, që zëri i qytetarëve të dëgjohet!
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·