77 vjeç, por e pandalshme! Dolly Parton sjell albumin e saj të parë ‘rock’

Këngëtarja e njohur Dolly Parton ka publikuar pak ditë më parë albumin e saj të parë rock, i cili titullohet “Rockstar”. Është albumi i 49-të radhazi i karrierës së saj masive.

Tashmë në këngën e parë ylli ka përfshirë një varg që tregon se ajo ka plane për një projekt të ri.

“Nëse e ëndërron, mund ta kesh!”, është motivi i këngëtares.

Në intervistën që ka dhënë për “New Yorker”, Dolly tha se gjithnjë kishte dashur të bënte një album të rrymës së saj së preferuar, por kishte pritur momentin e duhur.

Disku përfshin 9 këngë të reja dhe 21 kopertina të preferuarave të vjetra të rock-ut si “Satisfaction”, “We are the Champions” dhe “Stairway to Heaven”. Kur u pyet për procesin e aranzhimit dhe regjistrimit të këtyre këngëve, të cilat lanë gjurmë përgjithmonë në muzikën moderne, ajo buzëqeshi dhe tha:

“Po dëgjoja muzikën dhe mendova, nuk e kisha pasur kurrë këtë mundësi më parë. Nuk e kam pasur kurrë atë liri për të sfiduar vërtet veten me këto melodi të mrekullueshme, ishte një sfidë.”

Sigurisht në këtë projekt madhor të saj nuk ka munguar suporti dhe bashkëpunimi me Miley Cyrus, që aq shumë e ka përzemër.

Dolly Parton mund të ketë kaluar pjesën më të madhe të karrierës së saj me muzikën country, por ajo ka qenë gjithmonë një yll rock-u. Si e tillë, Dolly përfundon: “Do të bëj gabime. Do të rrëzohem dhe do të ngrihem përsëri. Por një artist duhet ta ketë dashurinë dhe kur bën gjëra të reja. Kjo është Dolly dhe është e pandalshme!”/tvklan.al

Të ngjashme