Aeroplani jashtë digjet, e brenda i tëri me tym – publikohet videoja nga fluturakja japoneze e përfshirë nga zjarri

Në rrjetet sociale është publikuar një video nga brendësia e aeroplanit të Japan Airlines që u përfshi nga zjarri derisa ateroi në aeroportin Haneda të Tokios, duke u përplasur me një fluturake tjetër.

Rodger Whitefield, ish-pilot i aeroplanëve komercial ka thënë për Sky News se “është mrekulli” që të gjithë pasagjerët dhe anëtarët e ekuipazhit i kanë mbijetuar aksidentit, transmeton Telegrafi.

“Ishim dëshmitar të një mrekullie. Mënyrë sesi të gjithë pasagjerët e aeroplanët janë nxjerrë është vështirë të besohet”, tha Whitefield.

Në videon e realizuar nga një prej pasagjerëve shihet sesi nga jashtë aeroplani digjet derisa lëvizë nëpër pistë, e brendësia e fluturakes është e mbushur me tym.

Whitefield ka theksuar se tymi dilte nga një prej dyerve të pjesës së pasme të fluturakes, duke shtuar se kjo nënkupton se dukshmëria në aeroplan ishte zero.

“Deri më tani (në këso rrethanash) të nxirren të gjithë pasagjerët jashtë – është mrekulli”, shtoi Whitefield.

Japan Airlines ka njoftuar se janë evakuuar 367 pasagjerë dhe 12 anëtarë të ekuipazhit.

E agjencia Kyodo, duke u thirri në burime brenda departamentit të zjarrfikësve në Tokio, ka njoftuar se janë gjetur anëtarët e ekuipazhit të Rojave Bregdetare të Japonisë të cilët kërkoheshin nga ekipet emergjente pas përplasjes me Japan Airlines.

Piloti i Rojeve Bregdetare është evakuuar menjëherë, derisa anëtarët e tjerë konsideroheshin fillimisht si të zhdukur. /Telegrafi/

WATCH: Inside the burning plane after collision at Tokyo Airport pic.twitter.com/nAR1UaJzg8

— BNO News (@BNONews) January 2, 2024