Aksident në Tiranë/ Gruaja përplas 60-vjeçaren në vijat e bardha

Një 60-vjeçare është plagosur mesditën e sotme.

Policia bën me dije se gruaja me iniciale E.Sh e ka përplasur me 60-vjeçaren, teksa kjo e fundit ka qenë duke kaluar në vijat e bardha.

60-vjeçarja është dëmtuar dhe ndodhet në spital, jashtë rrezikut për jetën, ndërsa drejtuesja e automjetit është shoqëruar në komisariat, për veprime të mëtejshme procedurale.

Tiranë/Informacion paraprak

Më datë 20.07.2023, në Rrugën e Dibrës, shtetasja E. Sh., duke drejtuar automjetin ka aksidentuar në vijat e bardha, shtetasen Sh. B., 60 vjeçe.

Si pasojë 60-vjeçarja është dëmtuar dhe ndodhet në spital, jashtë rrezikut për jetën, ndërsa drejtuesja e automjetit është shoqëruar në komisariat, për veprime të mëtejshme procedurale.

Grupi hetimor po punon për sqarimin e rrethanave të aksidentit.