Aksidenti tragjik në Itali me 21 viktima, reagon MEPJ: Thellësisht të pikëlluar

Ministria për Evropën dhe Punët e Jashtme shprehu sot ngushëllimet për 21 viktimat e aksidentit tragjik në Mestre të Italisë. “Thellësisht të pikëlluar nga lajmi i aksidentit tragjik në Mestre. Shqipëria shpreh ngushëllimet e saj më të sinqerta për familjet që humbën të dashurit e tyre”, thuhet në një reagim të MEPJ.

“Mendimet dhe lutjet tona janë me ta. I urojmë shërim të shpejtë të lënduarve të këtij aksidenti tragjik”, thekson MEPJ. Gjithashtu Ministria për Evropën dhe Punët e Jashtme bën të ditur se, sipas informacioneve deri tani, nuk ka shtetas shqiptarë në radhët e atyre që kanë humbur jetën.

Një autobus ka rënë nga një mbikalim i Vempës në Mestre duke marrë flakë. Rezulton se aksidenti shkaktoi disa dhjetëra të plagosur dhe të paktën 21 të vdekur, mes të cilëve dy fëmijë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb