Aksion “blic” në Vlorë/ Kontrolle në lokale dhe rrugë, shoqërohen të paktën 10 persona

Policia e Vlorës e mbështetur dhe nga forcat RENEA janë duke zhvilluar një aksion në lagjen “Pavarësia”, të qytetit të Vlorës. Mësohet se në një lokal janë shoqëruar të paktën 10 persona.

Deri tani nuk dihen shkaqet e shoqërimit të personave, të cilët raportohet se ishin kryesisht të rinj. Prej ditësh në qytetin e Vlorës janë shtuar kontrollet nga policia, si për persona në kërkim, për armëmbajtje pa leje apo dhe makina me xhama të zinj.