Ambasadori gjerman në Kosovë, Jorn Rohde, ka dënuar ashpër vrasjen e një polici dhe plagosjen e një tjetri në Kosovë. Ai shkruan se autorët e sulmit duhet të dënohen dhe ligji duhet të sundojë në shtetin e Kosovës.
“Unë pajtohem plotësisht me deklaratën e kolegut tim amerikan. Autorët e këtij sulmi vrasës kundër zyrtarëve të rendit të Kosovës duhet të dalin para drejtësisë. Sundimi i ligjit duhet të zbatohet në Kosovë. Ngushëllimet e mia të përzemërta shkojnë për familjen e policëve të vdekur të PK-së dhe për policët e plagosur të PK-së”, shkroi Rohde.
Afrim Bunjaku, rreshter i Policisë së Kosovës, u vra në orët e para të mëngjesit, në fshatin Banjska të Zveçanit ku është sulmuar patrulla policore. Ndërkohë, polici Alban Rashiti , mbeti i plagosur.