Amerikanit iu hoq patenta shoferi – shikoni si u shfaq në gjyq

3 months ago 22
Reklamë

Banorit të Michiganit, Corey Harris, të cilit iu hoq licenca, iu kërkua të paraqitej në një seancë të planifikuar dhe iu dha leja për ta bërë këtë nëpërmjet Zoom.

Gjykatësi i qarkut Washtenaw, Cedric Simpson, ishte në anën tjetër të video-telefonatës kur Harris u shfaq – duke drejtuar një veturë.

Historia gazmore ndodhi më 15 maj dhe gjyqtari Simpson nuk mund ta fshihte tronditjen e tij.

“A po vozisni?”, pyeti gjyqtari.

“Unë jam vetëm duke parkuar, pasi kam ardhur për të parë mjekun. Vetëm një moment”, u përgjigj Harris.

Pati një pushim të shkurtër, kur avokatja mbrojtëse Natalie Pate kërkoi që seanca të shtyhej për dy deri në katër javë.

“Mirë, ndoshta nuk e kuptoj situatën. Këtu kemi një njeri që drejton, të cilit i është hequr patenta”, ia ktheu gjyqtari i hutuar.

Avokati duhej të konfirmonte fjalët e tij.

“Po shikoj dosjen. Ai nuk ka licencë. Ia hoqën, dhe ai drejton”, vazhdoi gjyqtari.

Më pas ai shikoi nëpër sallën e gjyqit me një shprehje mosbesimi. Harris ishte në një video telefonatë gjatë gjithë kohës duke parë se çfarë po ndodhte.

Simpson dërgoi një urdhër që Harris të ndalohej po atë ditë dhe ai arriti të thoshte vetëm “Oh Zoti im”.

Nuk dihet se çfarë ka ndodhur më pas, ndërsa përfaqësuesi i gjykatës dhe avokati mbrojtës nuk kanë dashur të komentojnë çështjen në pritje. /Telegrafi/

Read Entire Article