Arrestohet 44-vjeçari në Durrës/ Braktisi qenin Pitbull që kafshoi të moshuarin

Policia e Durrësit ka arrestuar një 44 vjeç me iniciale A.L, i cili akuzohet për braktisje të qenit të tij Pitbull, që kafshoi ditën e djeshme të moshuarin.

Ai akuzohet për veprën penale “Braktisja e kafshës të shoqërimit”. Policia bën me dije se i moshuari ndohdte në spital nën kujdesin e mjekësve dhe jashtë rrezikut për jetën.

Braktisi qenin e tij Pitbull, i cili sulmoi në rrugë dhe dëmtoi një 84-vjeçar, identifikohet dhe vihet në pranga 44-vjeçari.

Në vijim të informacionit paraprak të dhënë pasditen e djeshme, për një 84-vjeçar që ishte sulmuar në rrugë, nga qen të llojit Pitbull, ju informojmë se:

Specialistët për Hetimin e Krimeve të Stacionit të Policisë Plazh identifikuan dhe arrestuan pronarin e kafshës (qen i llojit Pitbull), shtetasin A. L., 44 vjeç, banues në lagjen nr. 13, për veprën penale “Braktisja e kafshës të shoqërimit”.

Ndërkaq, 84-vjeçari vijon të jetë në kujdesin e mjekëve dhe është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.