Babai nga Nebraska u ndalë në dyqan për të blerë sallatë, mori edhe një tiketë lotarie – fitoi një milion dollarë

Një baba beqar nga Nebraska ishte ndalur në një dyqan ushqimor për të blerë një sallatë, por ishte larguar nga dyqani me tiketën fituese të lotarisë me një çmim prej 1 milion dollarëve.

Brant Edginton ishte ndaluar në dyqanin Baker në Fremont për të marrë diçka për të ngrënë, kur në momentin e fundit vendosi të investojë disa dollarë për një tiketë të lotarisë së Nebraskas, transmeton Telegrafi.

“Nuk luaj aq shpesh. Si baba beqar, më i rëndësishëm është kursimi”, tha Edington pasi mësoi se ka fituar shpërblimin prej 1 milionë dollarë.

Pavarësisht se babai dhe gjyshi i tij ishin lojtar të rregullt të Mega Millions dhe Powerball, Edington thotë se luan vetëm kur xhekpoti është i lartë – dhe se nuk kishte planifikuar të blejë tiketën gjatë ndalesës së tij në dyqan.

Tiketa e tij kishte pesë numrat fitues 3, 8, 31, 35 dhe 44 – por jo edhe tjetrin (16) për ta fituar çmimin kryesor Mega Ball. /Telegrafi/