Takimi në stadiumin “Mapei” përfundoi 1-1, mesfushori kuqezi Bajrami e nis titullar
Sasuolo dhe Bolonja nuk shkuan përtej barazimit 1-1 në derbin e Emilias të vlefshëm për ndeshjen e 10-të të Serisë A.
Në stadiumin “Mapei”, kuqeblutë e Tiago Motas që kanë nëntë takime pa u mundur, gjetën golin e parë pas 180 sekondash falë Zirkze.
Por miqtë nuk arritën që ta menxhonin avantazhin, ndërsa zigjelbrit rrezikuan në fillim me Berardin dhe Pinamontin, e më pas gjetën golin e barazimit me Bolokan në fund të pjesës së parë.
Pjesa e dytë ishte mjaft e luftuar mes të dyja skuadrave, me zigjelbrit që kontrolluan topin, por nuk finalizuan.
Portieri Skorupski shpëtoi Bolonjën në tentativat e Berardit dhe Volpatos.
Titullar e nisi sfidën mesfushori kuqezi Nedim Bajrami, i cili luajti për 72 minuta dhe më pas u zëvendësua.
Sasuolo shkon në kuotën e 11 pikëve në vend të 14, ndërsa Bolonja është e 10 në renditje me 15 pikë pas 10 javësh.
Klan News
Të ngjashme