“BE duhet të heqë masat ndëshkuese ndaj Kosovës”, deputeti gjerman i CDU: Serbia nuk respekton marrëveshjen për normalizimin e raporteve

Deputeti gjerman nga radhët e CDU-së, Knut Abraham është shprehur përmes rrjetit social “X” se ai ka apeluar ndaj Bashkimit Europian që të heqë masat ndëshkuese ndaj Kosovës dhe të publikojë rezultatet e hetimit për incidentin e Banjskës.

Abraham theksoi se problemi kryesor mbetet te Serbia, e cila sipas tij nuk po shpreh vullnetin për të implementuar marrëveshjet mes vendeve.

In my interview with TV1, I appealed to the EU to lift all punitive measures against Kosovo & publish the results of the investigations into the Banjska incident. 1/3
https://t.co/f1Rm1rB0Jq

— Knut Abraham, MdB (@Knut_Abraham) December 18, 2023

Ai shtoi se për sa kohë që Serbia të veprojë në këtë mënyrë nuk mund të ketë siguri dhe nëse marrëveshja e Ohrit nuk zbatohet atëherë dialogu me BE-në ka dështuar.

Sipas tij unioni duhet të jetë më i hapur ndaj Kosovës dhe të krijojë mundësinë për të një proces integrimi më të shpejtë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb