Britaniku pranoi se vodhi një tualet ari me vlerë gjashtë milionë dollarë nga pallati i shtëpisë së Winston Churchill

James Sheen pranoi se vodhi një tualet të bërë tërësisht prej ar 18 karatësh, me vlerë gjashtë milionë dollarë, nga pallati Blenheim, ku lindi ish-kryeministri britanik, Winston Churchill.

Në vitin 2019, tualeti u vendos në Pallatin Blenheim si pjesë e një ekspozite të artistit italian, Maurizio Cattelan me titull “Fitorja nuk është një opsion”, raporton cnn.

Tualeti si ekspozitë me emrin “Amerika” u vodh vetëm pak ditë pas hapjes së ekspozitës. Ka qenë i lidhur me instalimet e ujit, ndaj kur është vjedhur ka shkaktuar përmbytje.

Britaniku, i cili tashmë vuan dënimin me 17 vite burg për vjedhje të ndryshme, i është drejtuar gjykatës përmes video-lidhjes. Ndër të tjera ai po vuan dënimin me burg për vjedhjen e një traktori dhe trofesh me vlerë nga Muzeu Kombëtar i Garave me Kuaj në Newmarket të Anglisë. Sendet e vjedhura në fjalë kapin vlerën e 503 mijë dollarëve.

“America” u ekspozua për herë të parë në Muzeun Guggenheim të New Yorkut në vitin 2016. Ky tualet doli sërish në titujt kryesorë në vitin 2017, pasi Shtëpia e Bardhë, kur presidenti i SHBA-së, Donald Trump i kërkoi Guggenheimit të jepte me qira pikturën e Vincent Van Gogh, “Peizazh me borë” të vitit 1888. Në vend të pikturës, muzeu në fjalë ofroi guaska të artë.

Tualeti në Pallatin Blenheim ishte vendosur pranë dhomës ku lindi Churchill. Në njoftimin e ekspozitës, tualeti i artë si ekspozitë paraqitet si një koment i dallimeve sociale, politike dhe ekonomike në Shtetet e Bashkuara të Amerikës. /Telegrafi/

A British man has confessed to stealing a gold toilet bowl from the mansion where Winston Churchill was born

The 18-carat gold toilet bowl weighing about 100 kilograms was installed in Blenheim Palace, where future British Prime Minister Winston Churchill was born in 1874. The… pic.twitter.com/Ev5pVtmoex

— NEXTA (@nexta_tv) April 3, 2024