Butrint Imeri paralajmëron bashkëpunimin me Stealth dhe Vinz, videoja bëhet virale në TikTok

Këngëtari i njohur, Butrint Imeri ka paralajmëruar një projekt të ri muzikor.

Ai ka zbuluar se po vjen në bashkëpunim me dy reperët e njohur nga Shqipëria, Stealth dhe Vinz.

Autori i “Cigare” publikoi një video të shkurtër në TikTok të shkëputur nga kënga e re që mban titullin “Gaboi”.

GABOI 🔥🔥🔥

♬ original sound – BUTRINT IMERI

Fragmenti i shkurtër i këngës është bërë viral në rrjetet sociale dhe Butrinti ka postuar shifrat e mbi një milionë klikime që arriti videoja në ditën e parë të publikimit.

“Hiti i vitit”, ka shkruar Butrinti në postimin në InstaStory.

Foto: Butrint Imeri/Instagram

Megjithatë, artistët nuk kanë dhënë të tjera detaje rreth kohës së lansimit të projektit.

Ndërkohë, Butrinti aktualisht po shijon suksesin e bashkëpunimit të fundit me Era Istrefin “Lonely”. /Telegrafi/