CEO i OpenAI, Altman ka një super lajm për lojtarët e video-lojërave

Sam Altman kurrë nuk e ka fshehur faktin se është një lojtar i zjarrtë i video-lojërave.

CEO i OpenAI ka folur për dashurinë për video-lojërat edhe në të kaluarën.

Në një mesazh të fundit në rrjetet sociale, ai tha se video-lojërat do të bëhen të paimagjinueshme më të mira.

“Filmat do të bëhen video-lojëra ndërsa video-lojërat do të bëhen diçka që nuk mund të imagjinohet”, ka shkruar ai në platformën X.

movies are going to become video games and video games are going to become something unimaginably better

— Sam Altman (@sama) April 5, 2024

Mesazhi i 38-vjeçarit na jep një sugjerim për projektet e ardhshme të OpenAI ose se si Inteligjenca Artificiale mund të revolucionarizojë video-lojërat në vitet në vijim.

Është e panevojshme të thuhet se Inteligjenca Artificiale (AI) e ka bërë zhvillimin e video-lojërave më efikas dhe kreativ. Me ndihmën e AI, zhvilluesit mund të gjenerojnë mjedise komplekse dhe karaktere realiste pa lojtarë (NPC) që reagojnë në mënyrë adaptive ndaj veprimeve të lojtarëve, duke e bërë lojën më zhytëse dhe dinamike.

Algoritmet e AI luajnë një rol jetik në analizimin e sjelljes së video-lojtarëve për të përshtatur vështirësinë e lojës, për të sugjeruar përmbajtjen dhe madje për të ndryshuar linjat e historive në kohë reale, duke ofruar një përvojë të personalizuar të lojës për çdo lojtar. /Telegrafi/