Çka u kërkua më së shumti në Google në vitin 2023

Gjiganti teknologjik Google ka nxjerr përmbledhjen vjetore apo “Year in Search 2023” të asaj se çfarë është kërkuar më shumti nga njerëzit në motorin e saj të kërkimit.

Lufta mes Izraelit dhe Hamasit kryeson në listën e kërkimeve të lajmeve për vitin 2023, sipas të dhënave globale të Google, duke pasuar me rastin e nëndetëses eksploruese të Titanikut që shpërtheu në muajin qershor së bashku me personat në bord, dhe në vendin e tretë renditet rasti tragjik i tërmeteve vdekjeprurëse në Turqi dhe Siri, transmeton Telegrafi.

Në listën e njerëzve më të kërkuar në Google për vitin 2023 dominon Damar Hamlin, duke pasuar me Jeremy Renner dhe Andrew Tate.

Në listën e njerëzve më të kërkuar në Google që vdiqën dominon emri i Mathew Perry, duke pasuar me Tina Turner dhe Sinead O’Conner.

Aktori më i kërkuar në Google është Jeremy Renner, duke pasuar me Jenna Ortega-n dhe Ichikawa Ennosuke IV.

Atleti më i kërkuar në Google është Damar Hamlin, duke pasuar Kylian Mbappe dhe Travis Kelce.

Videoja-loja më e kërkuar në trendin e kërkimeve të gjigantit teknologjik është Hogwarts Legacy, duke pasuar me The Last of Us dhe Connections.

Filmi më i kërkuar në Google për këtë vit është Barbie, duke pasuar me Oppenheimer dhe Jawan.

Këngëtari-/ja më e kërkuar është Shakira, më pas Jason Aldean dhe Joe Jonas.

Seria televizive më e kërkuar është The Last of Us, duke pasuar me Wednsday dhe Ginny and Georgia. /Telegrafi/