Darka e festave të fundvitit kthehet në makth, sëmuren 700 punonjës të “Airbus Atlantic”

Autoritetet shëndetësore në Francë kanë bërë të ditur se më shumë se 700 punonjës të “Airbus Atlantic” janë sëmurë pas darkës së festave të fundvitit të kompanisë. Punonjësit, pjesë e grupit të hapësirës ajrore në Francë kishin të vjella dhe diarre.

Akoma mbetet e paqartë se çfarë kishte në mënynë festive që u kthye në makth për punonjësit e kësaj kompanie. Ndërkohë, Agjencia e Lajmeve AFP tha se një hetim është duke u zhvilluar për të gjetur burimin e helmimit masiv.

“Airbus Atlantic” është një degë e prodhuesit më të madh të avionëve në botë, “Airbus”, dhe punëson 15,000 njerëz në pesë vende. Grupi i gjerë i “Airbus” ofron produkte dhe shërbime në industrinë e avionëve, helikopterëve, mbrojtjes, hapësirës dhe sigurisë.

Në një incident të veçantë në Francë në fillim të këtij viti, një numër i madh njerëzish u sëmurën dhe një shtetas grek vdiq pasi u prek nga sëmundja e rrallë e shkaktuar nga ushqimi, botulizmi në një restorant në Bordo./tvklan.al

Të ngjashme