11 months ago
26
Debate në parlament, mazhoranca braktis seancën
“E harruat Policinë” ishin mbishkrimet e vendosura në secilën ulëse të Kuvendit të Kosovës në nisje të seancës së jashtëzakonshme me kërkesë të Partisë Demokratike të Kosovës për miratimin e një Rezolute për mbështetjen financiare të Policisë së Kosovës.
Por deputetët e mazhorancës bojkotuan seancën. U konsiderua e papranueshme dhe ikje nga përgjegjësia, mospjesëmarrja e mazhorancës në seancë.
Madje në një moment edhe vet kreu i parlamentit që vjen nga Vetëvendosje u largua nga seanca.
E deputeti i VV-së Enver Dugolli, në një konferencë për media ka akuzuar opozitën se pikërisht ata kishin dhënë urdhër që të ndalohet aksioni i Policisë së Kosovës për kapjen e vrasësve të policit Enver Zymberi i vrarë në vitin 2011 në veri.
“Atëherë kishim një hero, por kishim një urdhër që e ndaloi policinë që t’i kapin dhe të dimë se kush ishin ata që e vranë Enver Zymberin. Kishte një ligj për amnisti këto janë fakte dhe krahasimi se kush po i rri afër policisë dhe kush po i harron. Sot e asaj dite vrasësit e Zymberit nuk dihet se kush janë në momenti që Policia u dashtë me shkuar me i kap edhe janë kërcënuar kthehuni ose nuk do të jeni më policë të Kosovës. Me emra nuk mund të iu jap, por mund t’i gjeni”.
Nëse rezoluta si e tillë do të miratohej do të obligonte qeverinë që brenda afatit prej 15 ditësh të bëjë ndarjen e mjeteve të nevojshme financiare për pagesën e shtesës së rrezikshmërisë për Policinë e Kosovës si dhe të niste hartimin e projektligjit për Pensionim të Parakohshëm te zyrtarëve policorë.
Tv Klan
Të ngjashme
English (US) ·