Djegia e fushës së mbetjeve, IKMT gjobit Bashkinë Vlorë

IKMT ka gjobitur Bashkinë e Vlorës me 1 milionë lekë te rinj pasi fusha e mbetjeve u përfshi nga flakët duke mbuluar të gjithë zonën me tym të zi. Prej dy ditesh forcat zjarrfikëse ishin në betejë me zjarrin ndërsa dyshohet se ishte i qëllimshëm.

Ishin banorët ata që u shprehën se kjo situatë është e përsëritur dhe mendojnë se zjarri u vu nga dora e njeriut me qëllim.

Teksa Vlora përballet me këtë emergjencë mjedisore që dyshohet e qëllimshme,  në mesin e sezonit turistik ende nuk ka asnjë të arrestuar. Kjo nukështë hera e parë që fushës së mbetjeve i vihet flaka duke shkaktuar ndotje masive në qytet.