Dy të plagosur nga të shtënat në Shëngjin, policia jep detaje

Policia ka dalë me një njoftim zyrtar lidhur me të shtënat e regjistruara në Shëngjin. Bëhet fjalë për dy të plagosur, ndërsa ngjarja ka ndodhur në vendin e quajtur “Rana e Hedhun”.

Sipas policisë, janë  plagosur me armë zjarri  lehtë në këmbë shtetasit A.Gj, 28 vjeç banues në Tiranë dhe G.N. 30 vjeç, banues në Thumanë, të cilët ndodhen në spital për ndihmë mjekësore, jashtë rrezikut për jetën.

Policia ka identifikuar autorët dhe po punon për kapjen e tyre.