Dyshuan se nusja nuk ishte e virgjër/ Familjarët e burrit dhunojnë 23-vjeçaren në Kosovë një ditë pas dasmës, tentojni t’i fusin gishtat në prizë

Një rast i rëndë është regjistruar në Fushë Kosovë, ku një vajzë e re, 23-vjeçe është dhunuar në mënyrë barbare nga vjehrra, kunati dhe kunatat një ditë pas dasmës.

Mediat kosovare, bazuar edhe në dëshminë që kanë dhënë bashkëshorti i 23-vjeçares dhe familja e tij, raportojnë se ata e kanë akuzuar të renë se nuk është e virgjër dhe vjehrra e saj e ka tërhequr për flokësh dhe ka ushtruar dhunë ndaj saj. Dhunë pati edhe nga kunati, i cili dyshohet se ka tentuar që t’ia fus gishtat në prizë elektrike që e njëjta të bie në kontakt me rrymën dhe të marrë lëndime, të cilat mund të kenë qenë serioze për të.

Të dyshuarit janë shoqëruar në polici, ku kanë dhënë deklaratat e tyre lidhur me rastin e që sipas tyre, ka qenë bashkëshorti i viktimës ai i cili i ka njoftuar se nusja e tij nuk është e virgjër dhe kjo nuk përputhet me traditat e tyre.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit të hetohen në liri për veprën penale ‘Dhunë në familje’.