E inskenoi si grabitje, por pagoi vrasës me pagesë për eliminimin e gruas, familja e Naim Murselit anulon pritjet për ngushëllim, babai: Me keqardhje…

Një tjetër kthesë mori vrasja e Lirdona Murselit, që fillimisht u mendua se u vra nga një grabitës, por që rezultoi të ishte vrasës me pagesë. Pas zbulimit të detajit tronditës se krimi ishte paguar nga vetë i shoqi, që ishte në momentin e krimit në makinë, familja Murseli ka anuluar vizitat ngushëlluese për 30-vjeçaren.

Kjo e fundit u vra të mërkurën në Prishtinë, vrasje për të cilën dje u arrestua bashkëshorti i saj, Naim Murseli, dhe tre persona të tjerë, mes tyre nipi i tij. Babai i këtij të fundit, Shaban Murseli, ka njoftuar se vizitat për ngushëllim është anuluar “për shkaqe familjare”.

“Shokë dhe miq, për shkaqe familjare me keqardhje e bëjmë anulimin e të pamës. I falënderojmë gjithë pjesëmarrësit në varrim”, ka shkruar ai në Facebook. Prokuroria Themelore në Prishtinë ka njoftuar për arrestimin e dy të dyshuarve për vrasjen e Liridona Murselit, bashkëshortin e viktimës – Naim Murseli dhe autorin e dyshuar të vrasjes, Granit Plavën. Më pas është arrestuar dhe nipi i porositësit, një pjesëtar i FSK-së.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb