E lidhur jashtë shtëpisë së BBVK? Flet motra e Albës

Banorja nga Shkodra, Alba Vukaj është një prej personazheve më të komentuara të këtij edicioni të Big Brother VIP Kosova.

Dy banorë të shtëpisë së famshme deri më tani kanë shprehur pëlqim për të, Lumbardh Salihu dhe Azem Gagica.

Por, ndaj tyre Alba tha se për momentin nuk i sheh me një sy tjetër dhe se i respekton të dy njësoj.

Foto; Screenshot/Big Brother VIP Kosova

Kjo deklaratë e saj ngjalli reagime tek publiku, madje disa edhe aluduan se ajo mund të kishte një marrëdhënie jashtë BBVK.

Megjithatë, këto u mohuan nga motra e saj Jona, e cila në një intervistë për ‘Prive’ tha se Alba ka hyrë në shtëpinë e famshme beqare.

“Nuk është e vërtetë. Ka qenë beqare për një kohë të gjatë. Ka hy beqare dhe tani është beqare. Lumbardhi kishte disa sjellje toksike, dramatike që më janë dukë të teprune. E ka bërë këtë punë të vogël të madhe pa nevojë. Si Azemi dhe Lumbardhi me duken djem të mirë. Por, kur dikush sjellet keq me motrën time, nuk i dua në atë moment. Por, nuk e preferoj njërin me shumë se tjetrin“, u shpreh ajo.

“Kam pa disa komente negative, të shpifura. Unë e njoh Albën më së miri në këtë botë. Alba nuk është e lidhur me askënd, nuk i ka tregu askujt në shtëpi se ka pëlqim për të“, tha mes tjerash motra e Albës. /Telegrafi/