4 months ago
5
Aktori Erblin Nushi, i cili ka bërë emër në industrinë e kinematografisë, u ftua në “Show i Së Premtes”, ku u shfaq me një paraqitje të veçantë si drag queen me emrin ‘Adelina Rose’.
Moderatores së emisionit, Adelina Ismaili, iu bashkangjitnjë personazh shumë i veçantë dhe plot shkëlqim, i cili hapi zemrën për jetën, sfidat dhe paragjykimet që ka hasur në rrugën e tij artistike.
Gjatë intervistës, Adelina Rose emri i vërtetë i të cilit është Erblin Nushi, ndau me publikun pse zgjodhi të emërtohet pas një prej ikonave të muzikës dhe skenës shqiptare, Adelina Ismaili.
“Çfarë ke bërë ti për gratë e Kosovës (sidomos në vitet ’90), në krejt fëmijërinë time, edhe sot po vazhdon me e bë… qysh mos me ia vu vetes emrin Adelina”, shprehu Nushi duke reflektuar mbi ndikimin e Adelina Ismailit në jetën e tij.
Foto: RTKNushi vazhdoi të shpjegonte se Adelina Ismaili kishte qenë një figurë frymëzuese që në fëmijërinë e tij dhe se vlerësimi i vërtetë për kontributin e saj në shoqëri i kishte ardhur pasi kishte shkuar në Amerikë.
Për shtojcën e emrit, ‘Rose’, ai zbuloi se ajo pason jo vetëm nostalgjinë për trëndafilat që kishte rritur në shtëpinë e tij, por edhe dashurinë për personazhin e ‘Xhyles’ nga seria komike “Stupcat”, të cilin ai e ka imituar shpeshherë në shkollën e mesme.
Kjo paraqitje e aktorit në “Shoq i Së Premtes” si drag queen është një demonstrim i guximit dhe një hap i rëndësishëm për të theksuar lirinë e shprehjes dhe të qenit i sinqertë me veten dhe të tjerët. /Telegrafi/
English (US) ·