#postPromptUI button { background: #368bd6; color: white; padding: 5px 15px; border: none; outline: none; display: flex; align-items: center; position: fixed; right: 0; bottom: 0; border-radius: 3px 0 0 3px; max-height: 30px; max-width: 110px; cursor: pointer; } .quantcast-disclaimer { display: none; } .amp-geo-group-usca .quantcast-disclaimer { display: block; }
Një fermer australian thotë se është me fat që është gjallë pasi zmbrapsi një sulm krokodili duke e kafshuar zvarranikun.
Kultivuesi i bagëtive Colin Devaraux u kafshua gjithashtu nga krokodili 3.2 metra dhe për t’u trajtuar qëndroi një muaj në spital, transmeton Telegrafi.
Ai tha për ABC News se kafshoi qepallën e krokodilit për të mbijetuar nga sulmi i zvarranikut.
Deveraux tha se muajin e kaluar kishte ndaluar në një liqen pasi donte të ndërtonte një gardh pranë një lumi.
Në një pikë krokodili ishte kapur në këmbën e tij dhe e kishte tërhequr në ujë.
Ai tha se fillimisht kishte tentuar ta godasë krokodilin në brinjë, para se ta kafshonte atë.
“Ishte një pozicion i çuditshëm, por aksidentalisht dhëmbët e mi kapën qepallën e syrit. Qepalla ishte e trashë, sikurse lëkurë. Në një moment më lëshoi”.
“U largova dhe vrapova drejt makinës. Krokodili më ndoqi, ndoshta për katër metra, por pastaj u ndal”, deklaroi ai.
Deveraux tha se ai përdori një peshqir dhe litarë për të ndaluar gjakosjen në këmbën e tij, pastaj vëllai i tij e dërgoi në spital. /Telegrafi/