Festivali i Filmit në Kanë: Lea Seydoux, Heidi Klum, Eva Green, Greta Gerwig dhe Meryl Streep shkëlqejnë gjatë prezantimit të filmit “Second Act”

4 months ago 6

Reklamë

Mbrëmja e së martës ishte e gjitha për Lea Seydoux pasi filmit të saj të fundit iu dha nderi të hapte Festivalin e 77-të vjetor të Filmit në Kanë në Rivierën Franceze.

Aktorja, e cila ka një rol kryesor në “The Second Act” (Le Deuxieme Acte), u mbështet nga një mori yjesh teksa bota e filmit, muzikës dhe modës zbriti në qytetin turistik për rreth dy javë.

Supermodelja Heidi Klum, bashkatdhetarja franceze e Lea-s, Eva Green, regjisorja Greta Gerwig dhe legjenda e Hollywoodit, fituese e ‘Oscar’, Meryl Streep, ishin mes atyre për të bërë dolli për prezantimin zyrtar të filmit.

Por ishte nata e Lea -s dhe aktorja ka mahnitur me një fustan me tegela argjendi pasi iu bashkua kastit dhe ekipit të filmit të ri në tapetin e kuq.

Ajo e kompletoi ‘look’-un me një palë taka argjendi të ngjashme, ndërsa një gjerdan me shije shërbeu si aksesori i saj i vetëm i dukshëm.

Duke u siguruar që ajo të merrte pjesën e saj të vëmendjes, supermodelja Heidi ktheu kokën me një fustan mbrëmjeje të kuq të veçantë dhe gjatësi të mjaftueshme për të treguar këmbët e saj të tonifikuara.

Diku tjetër, Eva Green u dallua me një fustan të ndërlikuar me shtresa ndërsa pozoi për fotot në tapetin e kuq menjëherë pas mbërritjes së saj.

Për të mos u lënë pas, presidentja e jurisë së Kanës, Greta Gerwig, e veshur me një fustan të purpurt të plotë me të çara deri tek kofshët, ndërsa shoqërohej me anëtarët e tjerë të jurisë, mes tyre yllin e “Killers Of The Flower Moon”, Lily Gladstone. /Telegrafi/