Filipinet akuzojnë Kinën se ka gjuajtur me topa uji anijet e saj

Filipinet e kanë akuzuar Kinën se ka përdorur topa uji për të penguar tre nga anijet e saj, në mosmarrëveshjen e fundit territoriale midis dy vendeve në Detin e Kinës Jugore.

Siç raporton BBC, pamjet e videos së publikuar më poshtë, tregojnë anijet kineze që lëshojnë ujë drejt anijeve të qeverisë filipinase, transmeton Telegrafi.

Filipinet i quajtën veprimet e Kinës “të paligjshme dhe agresive”. Deti i Kinës Jugore është në qendër të një mosmarrëveshjeje territoriale midis Kinës, Filipineve dhe vendeve të tjera.

Ngjarja ndodhi pranë Scarborough Shoal, një pikë zjarri midis dy vendeve. Pekini e mori nën kontroll në vitin 2012 dhe që atëherë anijet kineze kanë ngacmuar peshkatarët filipinas në zonë.

Task Forca Kombëtare për Detin e Filipineve Perëndimore tha se “anijet e rojës bregdetare kineze përdorën topa uji për të penguar” anijet qeveritare që të dërgonin karburant dhe furnizime ushqimore në anijet e peshkimit.

Agjencia tha se “dënon me forcë veprimet e paligjshme dhe agresive”. Pekini tha se kishte përdorur ato që i quajti “masa kontrolli” në anijet që kishin hyrë në ujërat e saj. /Telegrafi/