Më shumë se 7200 bimë kanabis sativa janë gjetur dhe asgjësuar nga policia e shtetit në katër qarqe të veriut të vendit.
Droga kultivohej në fshatra të thella të Lezhës, Shkodrës, Tropojës dhe Krujës, ndërsa për t’i gjetur u desh angazhimi i 1000 forcave policore dhe 20 dronëve. Megjithë mobilizimin e uniformave blu, këto të fundit nuk arritën dot të vinin në pranga 3 personat e dyshuar si kultivues dhe prodhues të bimëve.
Droga ishte mvjelle në fshatra dhe në terrene malore, ku konkretisht 5800 bimë u gjetën dhe u dogjën në qarkun Shkodër, 670 në qarkun Lezhë, 410 në Tropojë dhe 407 në Krujë.
Policia e Kurbinit shpalli në kërkim tre autorë të dyshuar të moshës, 25, 35 dhe 48 vjeç, ndërsa procedim penal në gjendje të lirë u vendos për 4 persona.
Një 19 vjeçar po ndiqet penalisht pasi dyshohet se ka mbjellë 133 bimë hashash.
Ndërsa 2 kryetarë fshatrash, ai i Kurbinit, 51 vjeç, ai i Tropojës, 68 vjeç, bashkë me një 37 vjeçar me detyrë inspektor pyjesh dyshohet se kanë lejuar aktivitetin kriminal, ndaj po hetohen për shpërdorim detyre.