Ftesë në 5/ Prifti komplimenton Sarën, nisin ngacmimet: A je single?

Të ftuar në studio ishin Sara Gjordeni, Dena Mullaj, Niko Komani dhe Rexhina Cukko të maskuar sipas personazheve të preferuar si dhe prifti At Nikolla.

Ky i fundit shprehu qëndrimin kundër festimeve të Halloween-it, pasi sipas tij përmes maskimeve të tilla, njerëzit i bëjnë një thirrje djallit.

Megjithatë ndërsa në ekranin e studios po shfaqeshin imazhe të VIP-ave të huaj të veshur për Halloween, At Nikolla gjeti momentin të komplimentonte Sarën, duke e veçuar nga gjithë pjesa tjetër.

“Ajo është veshur më mirë se ato. Është më në brendësi të festës, por edhe tiparet i ka më të bukura se ato”, tha ai.

Kaq mjaftoi që panelistët të nisnin ngacmimet, e në fund të emisionit Dena nuk ngurroi të pyeste priftin nëse ishte single apo jo.

Top Channel