Big Brother VIP Kosova 2 edhe në spektaklin e së hënës u shoqërua me përplot ngjarje e debate.
Siç ndodh rëndom, tre nga banorët më pak të votuar nga publiku, dërgohen direkt në nominim për të premten.
Vesa Vllasaliu, Monika Salihu e Alby the Goat – ishin vajzat që u zgjodhën më pak të preferuarat e publikut.
Veç këtyre, nominimit iu bashkuan edhe tre konkurrentë të tjerë, që nisi me një zinxhir nga kapiteni i javës, Blerando.
Edona James, Lumbardh Salihu dhe Linda Halimi qenë banorët e tjerë që gjithashtu janë në nominim për këtë javë.
Njëri prej tyre pritet të largohet të premten duke lënë kështu përfundimisht garën për çmimin e madh prej 200 mijë eurosh.
Telegrafi ka realizuar një sondazh për të pyetur lexuesit rreth asaj se kush mendojnë që do të eliminohet.
* Ky sondazh është i realizuar nga portali Telegrafi vetëm për të matur preferencat e publikut dhe nuk lidhet me votimin zyrtar të spektaklit Big Brother VIP Kosova 2.