3 weeks ago
34
Izraeli do të qëndrojë në gjendje të jashtëzakonshme për 48 orët e ardhshme, pas sulmit të gjerë me dronë të nisur në orët e para të mëngjesit nga lëvizja e armatosur libaneze e Hezbollahut.
Izraeli, nga ana tjetër, kreu dhjetëra bombardime ajrore në Libanin jugor, duke i quajtur sulme “parandaluese”. Sipas agjencisë shtetërore libaneze të lajmeve, një person ka vdekur në qytetin e Hiam në Libanin jugor.
Situata tani duket se po de-përshkallëzohet, me Hezbollahun që njoftoi se ka përfunduar fazën e parë të hakmarrjeve të tij për vdekjen e Fuad Shukr dhe Tel Aviv që pretendon se ka shmangur më të keqen. Megjithatë, fluturimet për dhe nga aeroporti Ben Gurion i Tel Avivit kanë rifilluar, siç njoftoi aviacioni civil i Izraelit.
Ministri izraelit i Mbrojtjes Yoav Gallad shpalli gjendjen e jashtëzakonshme 48-orëshe, ndërsa kryeministri izraelit Benjamin Netanyahu thirri një mbledhje urgjente të kabinetit. Ushtria izraelite i bëri thirrje kujtdo në zonat ku Hezbollahu po vepron të largohet menjëherë për të mbrojtur veten.
Forcat e armatosura izraelite thuhet se bombarduan të paktën 40 objektiva në dhe numëruan “më shumë se 150” raketa të lëshuara nga Libani.
“Hijet” në bisedimet në Kajro për Rripin e Gazës
Armiqësitë e sotme Izrael-Hezbollah erdhën në mes të bisedimeve në Kajro që synonin përfundimin e një marrëveshjeje për armëpushim në Rripin e Gazës. Lufta në enklavën palestineze shpërtheu më 7 tetor, e shkaktuar nga një sulm i paprecedentë i krahut ushtarak të Hamasit në pjesën jugore të territorit izraelit. Raundi i ri i negociatave filloi të enjten në kryeqytetin egjiptian. Një delegacion i Hamasit shkoi në Kajro, i cili nuk pritej të merrte pjesë në bisedime, ai do të takohej me një zyrtar egjiptian mbrëmë, tha një zyrtar i lëvizjes islamike palestineze.
Prej muajsh ndërmjetësuesit po përpiqen të bindin palët ndërluftuese që të shpallin armëpushimin, për të ndalur të paktën për një kohë luftën që është në ditën e 324-të, por pa rezultat./ CNN
English (US) ·