Hondurasi shpall gjendjen e jashtëzakonshme për shkak të etheve të dengës

Hondurasi ka shpallur gjendjen e jashtëzakonshme pas rritjes së shtrimeve në spital dhe vdekjeve nga ethet e dengës, njoftoi Ministria e Shëndetësisë në vend.
Numri i rasteve të etheve dengë në kontinentin amerikan i kalon 5.2 milionë, pasi epidemia tejkalon një rekord vjetor, sipas Organizatës Pan-Amerikane të Shëndetit (PAHO), agjencia e specializuar e Kombeve të Bashkuara përgjegjëse për bashkëpunimin ndërkombëtar shëndetësor në Amerikë.

Qeveria ka urdhëruar zyrtarët shëndetësorë të ndërmarrin të gjitha veprimet e nevojshme, përfshirë zbatimin e masave parandaluese dhe kontrolluese dhe identifikimin e mjeteve për të menaxhuar epideminë, raporton CNN.

Ministria e Shëndetësisë e Hondurasit raportoi 23,037 raste të dyshuara të dengës në 20 javët e para të këtij viti. Ky është një nga totalet më të larta në Amerikë, sipas të dhënave të përpiluara nga Organizata Shëndetësore Panamerikane.

I gjithë rajoni ka raportuar tashmë më shumë se 8.65 milionë raste në pesë muajt e parë të 2024, pothuajse dyfishi i më shumë se 4.5 milionë rasteve të raportuara në të gjithë vitin 2023, që ishte një rekord në atë kohë.