Sky Sport Italia pretendon se Juventusi ka arritur një marrëveshje për të zgjatur kontratën e Nicolò Fagiolit deri në Qershor 2028, pavarësisht pezullimit të tij për 10 muaj për baste.
22-vjeçari pranoi se luante kumar në futboll, por bashkëpunoi me autoritetet përkatëse gjatë hetimit dhe kërkoi ndihmë për të trajtuar varësinë e tij nga vesi.
Juventusi ka mbështetur mesfushorin e tyre premtues në javët e fundit. Fagioli ka vazhduar stërvitjen me pjesën tjetër të skuadrës dhe klubi nuk i ka shkurtuar pagën, megjithëse ai është ndaluar të luajë ndeshje zyrtare.
Por bardhezinjtë shkojnë më tej duke zgjatur kontratën e mesfushorit deri në Qershor 2028.
Marrëveshja aktuale e Fagiolit për 1 milion Euro në vit përfundon në 2026. Ende nuk janë zbuluar shifrat pas marrëveshjes së re, por besohet se është një rinovim ‘ekonomikisht i rëndësishëm’.
Fagioli është një lojtar i rritur në akademinë e Juventusit dhe bëri debutimin e tij për ekipin e parë në sezonin 2020-2021 nën drejtimin e Andrea Pirlo. Ai ka luajtur 45 ndeshje dhe ka shënuar tre gola.
Tv Klan
Të ngjashme