Juventus fiton në minutën e gjashtë shtesë, lider në Serie A

Juventus ka fituar me rezultat minimal 1-0 ndaj Hellas Veronas në kuadër të javës së dhjetë në elitën e futbollit italian.

Vendasit kaluan në avantazh në minutën e 13-të përmes Moise Kean, por pas rishikimit nga VAR-i goli u anulua për pozitë jashtë loje.

Në minutën e 23-të Timothy Ëeah u duk sikur ndali topin me dorë andaj edhe njëherë tjetër u desh ndihma e VAR-it, të cilët konfirmuan se gjithçka ishte e pastër dhe ndeshja vazhdoi.

Deri në fund të pjesës së parë të dy ekipet patën nga një rast për të shënuar por rezultati nuk u ndryshua.

HT | Al riposo sullo 0-0. Nel finale di frazione grande intervento di Tek.#JuveVerona pic.twitter.com/UitgicOxUL

— JuventusFC (@juventusfc) October 28, 2023

Në pjesën e dytë “Zonja e Vjetër” shënoi që në minutën e 50-të ku përsëri në skenë doli Moise Kean por për herë të dytë në këtë takim goli i tij u anulua, por kësaj radhe për shkak të faullit të shkaktuar gjatë ndërtimit të aksionit.

“Zonja e Vjetër” pati disa mundësi të mira shënimi me Chiesan por topi në asnjë mënyrë nuk po e gjente rrugën e rrjetës.

Teksa po luheshin sekondat e fundit të ndeshjes dhe dukej se Juventusi nuk do të merrte më shumë se një pikë, në skenë doli Andrea Cambiasso i cili shënoi në minutën e 96-të të takimit për t’i dhënë Juventusit fitoren e cila bën që ata të marrin lidershipin në Serie A.

FT | VINCIAMO NOI.

Cambiaso nel finale: 3️⃣ punti ⚪️⚫️#JuveVerona pic.twitter.com/tf1vIPLZWJ

— JuventusFC (@juventusfc) October 28, 2023

Juventusi tani shkon në kuotën e 23 pikëve, një më shumë se Interi në vendin e dytë që luan nesër ndeshjen e tyre ndaj Romës.

Ndeshjen e radhës të besuarit e Allegrit do ta luajnë saktësisht pas një jave në udhëtim ndaj Fiorentinës, me synimin që të vazhdojnë me seri pozitive të rezultateve./Telegrafi/