Ka diçka që Rihanna ende s’e ka bërë dot dhe lidhet me bebin nr. 3!

Edhe pse sapo është bërë nënë për herë të dytë, Rihanna duket se po mendon për një bebe të tretë.

Në festën e bashkëpunimit Fenty x Puma, këngëtarja u pyet nëse ka diçka që s’mund ta bëjë. “Deri më tani, të kem vajza!”, tha ajo duke qeshur përpara se të nënkuptonte se po planifikon fëmijën e tretë. “Mendoj se 75% do jetë një djalë. Kështu që do kryqëzojmë gishtat”, u shpreh RiRi për E! News.

Rihanna zbuloi se djali i madh, RZA që erdhi në jetë në maj 2023 fillimisht e pati të vështirë që të luante rolin e vëllait të madh. “E pati të vështirë në fillim, por ai e do shumë vëllain e vogël. Sa herë mendon se ne nuk po e shohim, vjen dhe e prek. Nëse ai qan, vjen t’i kapë duart. Mërzitet nëse bebja qan. Zgjohet në mëngjes duke thënë ‘bebi, bebi’. E adhuron. U desh pak kohë, por ia doli dhe jam krenare për të”, tha ajo në një intervistë për Entertainment Tonight. Fëmija i dytë i Rihanna-s dhe Rocky, Riot lindi në gusht 2023.

Në një tjetër intervistë për Access Hollywood, Rihanna foli edhe për partnerin ASAP Rocky në rolin e tij si baba.

“E dashurova ndryshe si baba. Kjo është e madhe. Është thjesht ‘Uau! Çfarë lideri, çfarë babai i mrekullueshëm, i durueshëm!” Dhe për më tepër, kujt do t’ia priste mendja se Rihanna ‘injorohet’ nga dy djemtë e saj që ‘lënë kokën’ pas të atit. “Unë jam thjesht në sfond, jam shtesë”.

Rihanna nuk e përjashtoi mundësinë që bizneset e saj në të ardhmen t’u  kalojnë fëmijëve, por ata mund të duan edhe të qëndrojnë larg kamerave. Ajo u shpreh se diçka të tillë e ka vënë re te djali i madh që nuk pëlqen të fotografohet./tvklan.al

Të ngjashme