Ka ndërruar jetë aktorja Piper Laurie

Aktorja ikonë Piper Laurie ka vdekur në moshën 91-vjeçare.

Laurie, ndërroi jetë në shtëpinë e saj në Los Angeles të shtunën. Ylli, e cila filloi karrierën e saj gjatë epokës së artë të Hollywoodit, ishte e sëmurë prej disa kohësh.

Menaxheri Marion Rosenberg e quajti yllin “një qenie njerëzore e bukur dhe një nga talentet e mëdha të kohës sonë”.

Foto: Getty Images

Ajo luajti në filim “Carrie”, personazhin e Margaret White, nënën me fanatizëm fetar dhe abuziv një adaptim filmik të vitit 1976 të romanit të Stephen King nga Brian De Palma.

Performanca e saj i dha asaj një nominim për çmimin Oscar dhe filloi një akt të dytë surprizë për Laurie, e cila ishte një shtëpiake në veri të

New Yokrkut në atë kohë, pasi kishte hequr dorë nga aktrimi një dekadë më parë.

Aktorja siguroi nominimin e saj të parë për Oscar për punën e saj në filmin e vitit 1961 “The Hustler” ku luajti përballë Paul Newman.

Foto: Getty Images

Ajo doli në pension për të krijuar një familje për më shumë se një dekadë, por më pas iu kthye roleve në film dhe televizion në mesin e viteve 1970.

Ajo fitoi një mori rolesh mbresëlënëse me nominimet për Oscar për Carrie dhe “Children of a Lesser God”, në të cilat ajo luajti nënën e ashpër të Marlee Matlin .

Filmi ishte një hit kritik dhe komercial, duke fituar 33.8 milionë dollarë nga një buxhet prej 1.8 milionë dollarësh.

Carrie i dha Laurie një nominim për çmimin Oscar dhe konsiderohet gjerësisht nga shumë njerëz si ndër filmat horror më të mirë të realizuar ndonjëherë.

Foto: Getty Images

Në televizion, ajo u shfaq në seriale të tilla si Matlock, Murder, She Wrote dhe Frasier dhe luajti nënën e George Clooney në “ER”.

Laurie mbërriti në Hollywood në vitin 1949 si Rosetta Jacobs dhe shpejt iu dha një kontratë me Universal-International, dhe mori një sërë rolesh kryesore me Ronald Reagan, Rock Hudson dhe Tony Curtis, ndër të tjera.

Laurie dhe Reagan madje u takuan përpara se presidenti i ardhshëm të martohej me gruan e tij Nancy.

Për shumë vite, Laurie ia ktheu shpinën aktrimit. Ajo u martua me kritikun e filmit Joseph Morgenstern, mirëpriti një vajzë, Ann Grace dhe u transferua në një fermë në Woodstock, New York.

Laurie luajti në më shumë se 100 filma dhe shfaqje televizive gjatë karrierës së saj. /Telegrafi/