Kanguri arratiset nga një kopsht zoologjik në Tajlandë

Rojet e kopshtit zoologjik në Chiang Mai të Tajlandës janë në kërkim të një kanguri që është arratisur nga objekti ndërsa kafazi i tij po pastrohej.

“Kanguri u hodh papritur drejt derës së kafazit”, tha drejtori i kopshtit zoologjik Wuthichai Muangman, përcjell Telegrafi.

“Stafi u përpoq ta ndalonte, por ai u hodh shpejt nga porta e kopshtit”, shtoi ai.

Siç raportohet, kafsha është parë duke kërcyer nëpër qytet.

Rojet e kopshtit po gjurmojnë pamjet e shpërndara në rrjete sociale dhe shpresojnë ta kapin atë përpara se ai të largohet në zona tjera. /Telegrafi/