Policia Kufitare në Morinë ka sekuestruar lëndë piroteknike në dy automjete të tifozëve të Kombëtares. Policia njofton se janë sekuestruar 43 kapsolla, 12 tymuese, 9 flakadanë dhe 2 thika, që dyshohet se do të përdoreshin gjatë ndeshjen Shqipëri-Çeki.
Si pasojë, janë shoqëruar 12 persona, mes të cilëve drejtuesit e mjeteve, njëri 22 vjeç, banues në Preshevë, dhe tjetri 30 vjeç, banues në Kosovë.
Ndeshja e kësaj të enjteje pritet me kërshëri nga tifozët, ndërsa autoritetet kanë hartuar një plan masash të rrepta sigurie për të ruajtur rendin në stadium.