Këngëtari Paul Young fejohet me Lornan, pesë vite pasi humbi bashkëshorten nga kanceri

Paul Young ka zbuluar se është fejuar me të dashurën e tij, Lorna Young, pesë vjet pas vdekjes së gruas së tij, Stacey Smith.

Këngëtari i muzikës pop i viteve tetëdhjetë, 67 vjeç, ndau lajmin të hënën me anë të një postimi të publikuar në Instagram.

“Lorna tha Po! Ne jemi të dy shumë të lumtur dhe të dy presim një të ardhme të mrekullueshme së bashku”, shkroi ai.

Lorna gjithashtu ka postuar në Instagram: “Bota ime, dashuria ime, gjithçka e imja, 5 vjet gëzim, nuk mund të dua askënd më shumë”.

Kjo është hera e parë që Paul ka konfirmuar fejesën e çiftit, por Lorna i është referuar Paulit si bashkëshort që nga viti 2021.

Ajo më parë zbuloi se dyshja ishin transferuar në një shtëpi të re në dhjetor 2021 dhe se kishin së bashku tre mace dhe një gjarpër.

Njoftimi i krijuesit të hitit “Love of the Common People” vjen pesë vjet pasi ai humbi gruan e tij nga kanceri.

Stacey, e cila u shfaq në videon e këngës së dytë të Paulit, “Come Back And Stay” në 1983, vdiq në moshën 52-vjeçare në janar 2018 pas një beteje dyvjeçare me kancerin e trurit.

Çifti u martuan në një ceremoni romantike në vitin 1987 dhe ndanë tre fëmijë së bashku: Levi, Layla dhe djalin Grady Cole.

Ndërsa çifti nuk u divorcua, ata u ndanë në vitin 2006; Stacey mirëpriti fëmijën e saj të katërt Jude, 12 vjeç, me biznesmenin izraelit Ilan Slazenger gjatë asaj kohe.

Megjithatë, Stacey dhe Paul vendosën t’i japin dashurisë së tyre një shans të dytë kur u pajtuan në vitin 2013.

Sidoqoftë, ajo ndërroi jetë dy vjet më vonë. /Telegrafi/