Kjo llogari në Instagram po sfidon indianët të gjejnë paratë e fshehura

Një llogari me emrin Treasure Hunt Delhi në Instagram ka ndezur intriga mes banorëve të Delhit, Indi, duke prezantuar një sfidë të veçantë.

Duke shfaqur video të parave të fshehura nëpër vende të ndryshme në kryeqytet, llogaria inkurajon shikuesit të nisin gjuetinë e gjetjes së tyre.

“Gjuetia e thesarit të vërtetë në të gjithë Delhin”, thuhet të jetë misioni i Treasure Hunt, përcjell Telegrafi.

Reagimet ndaj videove kanë qenë të ndryshme, me disa që shprehnin entuziazëm për sfidën, ndërsa të tjerë angazhoheshin në hamendjen e vendndodhjeve.

Videoja e parë e llogarisë është postuar më 25 shkurt të këtij viti, dhe që atëherë ajo rregullisht ka sfiduar qytetarët për të zbuluar paratë e fshehura.

Aktualisht, Treasure Hunt numëron 14 mijë ndjekës dhe 28 postime. /Telegrafi/