6 months ago
22
Kryetari i Kuvendit të Kosovës, Glauk Konjufca, paralajmëroi se Serbia është e gatshme tashmë t`i avancojë planet e Vladimir Putinit për destabilitet e luftë në rajon.
Nisur nga dy vjetori i luftës në Ukrainë, ai thotë se Putin, ka angazhuar edhe satelitët e vet në Europë për të nxitur përçarje e konflikte, e Serbia është një prej tyre.
“Në këto dy vite, Rusia e Vladimir Putinit ka bërë çmos për ta pushtuar përfundimisht Ukrainën, duke mos ia dalë, por ka angazhuar edhe satelitët e saj në Europë për të mbjellë destabilitet, pasiguri, shpërqendrim, luftë dhe përçarje”, ka shkruar kryeparlamentari në Facebook, ndërsa përcjell edhe një herët mbështetjen e Kosovës për fitoren e Ukrainës.
“Me një Serbi të gatshme për t’ shtyrë planet e Putinit në rajonin tonë dhe Europë, mbështetja dhe angazhimi ynë për fitoren e Ukrainës bëhet edhe më kuptimplotë”, shton ai.
“Republika e Kosovës është krenare që angazhohet fuqishëm, pa mëdyshje dhe ambiguitet, në anën e drejtë të historisë, duke iu bashkuar asistencës dhe solidaritetit të botës demokratike ndaj Ukrainës, që ashtu si ne aspiron integrim në NATO dhe Bashkim Europian”, thuhet në mesazh.
Top Channel
English (US) ·