Kontrolle në terren, bllokohen 497 kg qese plastike në Shkodër

Evitimi i përdorimit të qeseve plastike nuk ka hasur vullnetin e subjekteve private apo qytetarëve në vend. Për të parandaluar këtë fenomen, inspektorët e Inspektoriatit Shtetëror të Mbikëqyrsjes së Tregut kanë kryer kontrolle në terren. Si pasojë, 497 kg qese plastike janë bllokuar në qytetin e Shkodrës, në kuadër të ligjit për ndalimin e përdorimit të qeseve njëpërdorimëshe.

Në njoftim thuhet se nuk do të ketë tolerim ndaj askujt që shkel ligjin duke vazhduar ende me prodhimin, importimin apo tregtimin e qeseve plastike njëpërdorimshe.