Kreu manovra të rrezikshme në rrugë, gjobë 40 000 lekë shoferit të “Porsche” (Video)

TIRANË

Kreu manovra të rrezikshme me automjet, ndëshkohet me masë administrative 40 000 lekë, drejtuesi.

Policia Rrugore e Tiranës, pas denoncimit të bërë nga një qytetar, me anë të një videoje, për një drejtues automjeti që kishte kryer manovra të rrezikshme gjatë qarkullimit, ka organizuar punën për kapjen e tij duke intensifikuar kontrollet në të gjitha rrugët e kryeqytetit.

Si rezultat i kontrolleve, është konstatuar automjeti që shfaqet në video dhe ndaj drejtuesit të tij është vendosur masa administrative 40 000 lekë të rinj, në bazë të nenit 139 të Kodit Penal.

Policia Rrugore e Tiranës apelon për drejtuesit e mjeteve që të respektojnë rregullat e qarkullimit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb