Kryeministri sllovak në gjendje kritike në spital pasi u qëllua disa herë

Kryeministri i Sllovakisë mbetet në spital në gjendje kritike, pasi u qëllua disa herë në një tentativë për vrasje.

Robert Fico u raportua se po luftonte për jetën pasi u godit në stomak të mërkurën, shkruan Sky News, përcjell Telegrafi.

Të paktën katër të shtëna u qëlluan jashtë një qendre kulturore në qytetin Handlova, rreth 150 kilometra në verilindje të kryeqytetit Bratislava, ku 59-vjeçari po takohej me mbështetësit, tha qeveria.

Një i dyshuar 71-vjeçar ndodhet në paraburgim, por motivi i të shtënave është ende i paqartë.

Një mesazh i postuar në llogarinë e zotit Fico në Facebook tha se ai u dërgua në një spital në Banska Bystrica, rreth 30 kilometra nga Handlova, sepse do të duhej shumë kohë për të shkuar në Bratislavë.

Sulmi vjen pasi fushata politike nxehet tri javë përpara zgjedhjeve në mbarë Evropën për të zgjedhur anëtarët për Parlamentin Evropian. /Telegrafi/