Kush është shqiptari që qëndron prapa hiteve të Drake dhe shfaqjes së reperit me flamurin kuq e zi në klipin e “Polar Opposites”?

10 months ago 49

Reperi me famë botërore, Drake u dhuroi shqiptarëve një befasi të papritur për festën e 28 Nëntorit.

Pas publikimit të këngës “Polar Opposites” që është pjesë e albumit të tij të fundit “For All the Dogs”, ku reperi kanadez përmendi Prishtinën, të njëjtën ai e solli me videoklip një ditë pas Festës së Pavarësisë së Shqipërisë, më 29 nëntor.

Përgjatë gjithë klipit, rap-artisti shfaqet i veshur me një xhaketë të kuqe, me simbolin kombëtar shqiptar – shqiponjën të stampuar në shpinë.

Kjo ngjalli reagime tek fansat e tij shqiptarë dhe jo vetëm, ndërsa ngriti pikëpyetje se çfarë qëndronte prapa promovimit të Shqipërisë dhe Kosovës nga reperi 37-vjeçar.

Por, ky ndikimi del të jetë nga një prej producentëve të Drake, Gentuar Memishi, një shqiptar nga Kosova që prej kohësh punon me emrat më të njohur të muzikës në botë.

Përveç “Polar Opposites”, Genti ka realizuar edhe hitet e tjera të Drake si bashkëpunimin e tij me 21 Savage’s – “Privileged Rappers”, “Calling For You” dhe “What Would Pluto Do”.

Memishi numëron suksese edhe me artistët e tjerë ndërkombëtar si ajo me reperi amerikan Kanye West për këngën “Ok ok” nga albumi “Donda”.

Arritjet e Gentit përfshijë gjithashtu bashkëpunimet me emrat e famshëm si: Lil Yachty, Doja Cat, Lil Yachty, Ty Dollar Sigh, Wiz Khalifa, J. Cole, DaBaby, “City Girls” e shumë të tjerë.

Por puna e tij padyshim nuk ndalet këtu, fal talentit dhe përkushtimit të tij në të ardhmen do të mund të shohim edhe të tjera projekte gjigante nga producenti shqiptar. /Telegrafi/

Read Entire Article