Linda Halimi përlotet teksa rrëfen për paragjykimet që iu bën pas martesës me një të huaj: Kam ende familjar që nuk më flasin

Këngëtarja e njohur shqiptare, Linda Halimi vite më parë theu tabu kur e konfirmoi martesën me reperin amerikan Big D.

Atë kohë artistja ishte e paragjykuar dhe mjaft e përfolur se pse zgjodhi që të martohej me një person të një nacionaliteti tjetër.

E për këtë, Linda ka hapur zemrën në një diskutim të fundit me Metin dhe Lumbardhin, teksa gjatë rrëfimit ka shpërthyer në lot.

Foto: Arkiva

“Nuk kam qenë kurrë një person që viktimizohem, unë e di edhe pse më kanë ftuar në Big Brother, se si unë kam mundur të mbijetoj me qenë e martuar me një person që nuk është shqiptar, aq ma pak i ngjyrës tënde”, ka thënë Linda.

Ajo ka kujtuar se si ishte e komentuar nga mediat rozë, teksa tutje tha se ka ende familjar të saj që nuk i flasin.

“Më patën mbytur portale, më kanë bërë presion pa fund, prej 2012, imagjino sa tabu ka qenë, në fillim e kam vuajtur shumë, se kam humbur shumë familjar, kam xhaxhallarë që nuk flas me ta ende, madje i kanë thënë babait tim ‘nëse ti nuk je i gatshëm e marrim ne gjakun, ta pastrojmë gjakun'”, u shpreh mes tjerash ajo.

Linda tha se ajo është e lumtur për zgjedhjen që ka bërë, por ndihet keq sepse atë periudhë më së shumtë e kanë vuajtur prindërit e saj.

“Më shumë më janë dhimbsur prindërit e mi, nëna ime ka qenë një herë në autobus dhe kur e kanë kuptuar se është nëna ime e kanë ofenduar duke i thënë, ‘ti e ke edukuar keq, largohu nga autobusi’, vëllanë tim i kanë bërë presion, kam vuajtur shumë”, tha Linda e përlotur.

Theksojmë që Linda jeton prej vitesh me bashkëshortin e saj në Amerikë dhe dyshja janë prindër të një vajze. /Telegrafi/