Malumas i ndodh një tjetër incident në skenë, fansat e gjuajnë me telefon teksa po perfomonte

Malumas i është hedhur një telefon gjatë koncertit të tij në San Antonio, Teksas.

Këngëtari, 29 vjeç, ndaloi atë që po bënte kur telefoni i goditi kofshën dhe shikoi në turmë për të parë se kush ia hodhi, sipas TMZ.

Ai tregoi me gisht dikë dhe u pa duke thënë “Ishe ti?” dhe më pas ai tundi kokën dhe u pa duke thënë dy herë ‘mos e bëj këtë’.

Artisti me origjinë kolumbiane përdori gjithashtu gishtin e tij për të qortuar fansin përpara se të rifillonte shfaqjen.

Media raportoi se fansja ishte në gjendje të qëndronte për të parë pjesën tjetër të shfaqjes, shkruan DailyMail.

Përpara hedhjes së telefonit, ai kishte rrëmbyer telefonin e një fansi për të bërë një ‘selfie’.

Telefoni që iu hodh, megjithatë ishte në skenë për pjesën e mbetur të shfaqjes. Nuk dihet nëse telefoni i është kthyer fansit.

Maluma ka lindur në Medellin, Kolumbi, ai filloi karrierën e tij muzikore në 2010 dhe u bë një sensacion global me këngë të shumta hit, duke përfshirë: La Temperatura, Marinero, La Curiosidad, Hawai, HP, 11 PM dhe më shumë.

Incidenti i hedhjes së telefonit vjen vetëm disa muaj pasi kolegia e saj, Bebe Rexha, u godit me një telefon në fytyrë nga një fans.

Nicolas Malvagna, 27 vjeç, akuzohet se lëndoi yllin e popit duke i hedhur telefonin e tij në fytyrë gjatë performancës së saj në New York.

Shfaqja e saj u zhvillua në The Rooftop në Pier 17, në mes të turneut të saj “Best F’n Night of my Life”.

Ajo po performonte dhe po ecte në pjesën e përparme të skenës kur telefoni e goditi mbi sy.

Artistja u kthye dhe ra në gjunjë përpara se të përcillej nga skena me sigurimin.

Sipas policisë, Rexha u shtrua në spital dhe pësoi ‘skuqje, ënjtje, mavijosje dhe një çarje në sy dhe dhimbje të konsiderueshme’ si pasojë e goditjes me telefon.

Ajo duhej të bënte ‘tre qepje’. Nicolas, nga New Jersey, ishte arrestuar dhe akuzuar për sulm.

Nicolas pretendoi se kishte shpresuar që Rexha ta kapte pajisjen

“Si një fans, qëllimi i vetëm i zotit Malvagna ishte që zonja Rexha të bënte foto me telefonin e tij dhe ta kthente atë si një kujtim. Nuk ka qenë asnjëherë qëllimi i tij për të lënduar zonjën Rehxa”, tha avokati i tij Todd A. Spodek.

Kellsea Ballerni, Harry Styles, Pink dhe të tjerë janë goditur nga objektet e hedhura nga fansat gjatë koncerteve të tyre. /Telegrafi/