Mauricio Pochettino zbulon shkaktarin për formën e dobët të Chelseat

Mauricio Pochettino ka shpjeguar arsyen pse Chelsea ka pasur një fillim të dobët të sezonit në Ligën Premier.

Pochettino nuk ka pasur fillimin më të mirë në rrugëtimin e tij si trajner i Chelseat pasi klubi ka arritur të fitojë vetëm pesë nga 12 ndeshjet që ka luajtur këtë sezon.

Ndërsa shpjegoi rezultatet e dobëta të klubit, argjentinasi vuri në dukje se lëndimet e lojtarëve kyç si Christopher Nkunku, i cili ende nuk ka luajtur një ndeshje zyrtare për klubin, kanë ndikuar në paraqitjet dhe rezultatet e tyre.

“Unë mendoj se nuk është e drejtë të flasim sepse mendoj se ndodhin kaq shumë detaje dhe ju duhet gjithmonë pak fat. Mendoj se një nga situatat që ndodh është lëndimi i Nkunkut. Ky është lojtari që kemi nënshkruar për t’i siguruar ekipit objektiva dhe për të ndihmuar që të jetë në një pozicion tjetër”, u shpreh fillimisht Pochettino.

Pasi shkoi si i pamposhtur në katër ndeshje radhazi, të cilat përfshinin një barazim kundër Arsenalit, Chelsea u kthye tek rezultatet negative pasi pësoi një humbje 2-0 nga Brentford gjatë fundjavës.

Pavarësisht humbjes, ish-trajneri i Tottenhamit pohoi se skuadra e tij po dominonte ndeshjen dhe nuk e meritonte ta humbte takimin.

Skuadra e Pochettinos do të synojë t’i rikthehet fitoreve të mërkurën kur do të përballet me Blackburn Rovers në raundin e 16-të të Carabao Cup./Telegrafi/