Medvedev: Nuk po luajmë blofin me armët bërthamore, lufta me Perëndimin është e mundur

Ish-presidenti rus Dmitry Medvedev tha sot se Rusia nuk po bën blof kur flet për mundësinë e përdorimit të armëve bërthamore taktike kundër Ukrainës dhe se konflikti i saj me Perëndimin mund të përshkallëzohet në një luftë të shkallës së plotë.

Në një postim në kanalin e tij zyrtar Telegram, Medvedev tha se konflikti i Moskës me Perëndimin po zhvillohet sipas skenarit më të keq të mundshëm dhe se “askush nuk mund të përjashtojë përshkallëzimin e tij në fazën përfundimtare”.