Mjekët e rinj braktisin mësimin, studenti i mjekësisë: Bojkoti do vijojë nëse s’ka reagim, të anulohet ligji për diplomat

Në përfundim të javës së dytë që prej nisjes së vitit të ri akademik, studentët e mjekësisë janë duke vijuar bojkotin e tyre kundër ligjit të miratuar nga qeveria për mbajtjen e diplomave të tyre pas përfundimit të ciklit të studimeve.

Një prej tyre, i ftuar në studion e News24, është shprehur se nuk ka pasur negociata për përfundimin e bojkotit, qoftë me Universitetin e Mjekësisë, apo instanca të tjera.

Ai u shpreh se mjekët e rinj do vijojnë bojkotin e tyre nëse nuk ka një reagim dhe se do kërkojnë me këmbëngulje anulimin e ligjit nga autoritetet qeveritare.

“Nuk ka pasur negociata me Universitetin apo instanca të tjera pasi nuk kanë reaguar lidhur me bojkotin tonë. Ne do kërkojmë anulimin e ligjit nëse ulemi në negociata. Ne do vijojmë bojkotin nëse nuk ka reagim. Do kërkojmë të kemi takime, por deri tani nuk ka pasur përgjigje”, u shpreh ai ndër të tjera.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb